” බැලුම්ගල  සිංහයෝ ” බලු වෙති

සමාජ ශෝධනය උදෙසා ජීවිත තර්ජන පවා නොතකා, ගවේෂණාත්මක මාධ්‍ය මෙහෙවරක යෙදෙන බවට පම්පෝරි ගසමින් ශ්‍රී ලාංකික ගුවන් විදුලි ශ්‍රාවකයන් ගොනාට අන්ඳවන,  නෙත් එෆ්. එම්. ගුවන් විදුලියේ බැලුම්ගල කෙරුමා වූ චරිත් සුදච්චාරී නමැති වනචරයා, පසුගිය දිනක බොරලැස්ගමුව පොලිස්ථානය තුළ දී කාන්තාවකගේ පා පහරකට ගොදුරු වී රෝහල් ගත කළ බව බොරලැස්ගමුව පොලිස්ථානයෙන් වාර්තා වේ.

එදිරිමුණි ශිරානි සමන්ලතා නොහොත්, සමනී රාමනායක නමැති කාන්තාව විසින්, චරිත් සුදච්චාරී නමැති වනචරයාට එරෙහිව බොරලැස්ගමුව පොලීසියට කරන ලද පැමිණිල්ලක් විභාග කළ අවස්ථාවේ දී අදාල කාන්තාව විසින් මෙම ප්‍රහාරය එල්ල කොට ඇත්තේ පොලිස් නිළධාරීන් ඉදිරිපිටදීම ය.

නෙත් එෆ්. එම්. ගුවන් විදුලි ආයතනයේ සහකාර සාමාන්‍යාධිකාරීවරයෙකු ලෙස ද කටයුතු කරන මෙම ” බැලුම්ගල” කෙරුමා වූ චරිත් සුදච්චාරී සමඟ එම වැඩසටහනේ අනෙක් සහායකයා වන චාමිකර නමැත්තා ද පැමිණිල්ල විභාග කරන අවස්ථාවට සහභාගි වී තිබේ.

කාන්තාව විසින් චරිත් සුදච්චාරිට එල්ල කළ ප්‍රහාරය හමුවේ චාමිකර නමැත්තා පොලීසියෙන් එළියට පැන දිවගොස් පලා ගිය බවද, ඉන් අනතුරුව චරිත් සුදච්චාරි නමැත්තා රෝහල් ගත කළ බවත්, අදාල කාන්තාව  පොලිස් අත් අඩංගුවට ගත් බවත් පොලිස් ප්‍රකාශකයා තව දුරටත් පැවසීය.

බැලුම්ගල කෙරුමා මෙම කාන්තාවගේ ප්‍රහාරයට ගොදුරු වී ඇත්තේ, අදාල කාන්තාව විවාහ කරගන්නා බවට බොරු පොරොන්දු දී ඊට අමතරව ඇයගෙන් විශාල මුදලක් ලබා ගෙන එම මුදල් ආපසු නොදී වංචා කිරීම හේතුවෙනි.

රැකියාව ලෙස ව්‍යාපාර කටයුතුවල නිරත වන ශිරානි සමන්ලතා නමැති මෙම කාන්තාව , වෙනත් පුද්ගලයෙකු විසින් තමන්ට සිදු කළ මුදල් වංචාවක් සම්බන්ධයෙන් ” බැලුම්ගල ” වැඩසටහනක් කර ගැනීමේ අපේක්ෂාවෙන් 2014 නොවැම්බර් මස නෙත් එෆ්. එම්.  ගුවන් විදුලි ආයතනයට ගොස් තිබේ.

වංචාවට අදාල තොරතුරු නෙත් එෆ්. එම්. ආයතනයට භාර දී ආපසු පැමිණෙනවිට ඇයගේ දුරකථනයට ඇමතුමක් ලබා දී ඇති චරිත් සුදච්චාරී නමැත්තා, අදාල කාරනය සම්බන්ධයෙන් සාකච්ඡා කර ගැනීමට ඔහු හමුවන ලෙස දන්වා තිබේ.

දිගින් දිගටම දුරකථන ඇමතුම් ලබා දීමෙන් අනතුරුව චරිත් සුදච්චාරී නමැති බැලුම්ගල කෙරුමා තමා සමඟ ප්‍රේම සම්බන්ධයක් ඇතිකර ගන්නා ලෙසට මෙම කාන්තාවට යෝජනාවක් සිදු කොට තිබේ.

ප්‍රේම සම්බන්ධය ඇතිකර ගැනීමෙන් අනතුරුව මෙම කාන්තාව වෙත ව්‍යාපාර සැලැස්මක් ඉදිරිපත් කොට ඇති චරිත් සුදච්චාරී , නෙත් එෆ්. එම්. ආයතනයේ දිගටම සේවය කළ නොහැකි බවත්, වෙනම රේඩියෝ චැනලයක් ආරම්භ කළ යුතු බවත් මෙම කාන්තාවට ප්‍රකාශ කොට තිබේ.

නව රේඩියෝ චැනලයේ කළමනාකරු වශයෙන් සහභාගී වී විශාල ලාභ උපයන ආයතනයක් බවට එය පත් කර ගන්නා ලෙස මෙකී බැලුම්ගල කෙරුමා මෙම කාන්තාවට යෝජනා කොට ඇත.

ඉදිරියේදී  තමාගේ ස්වාමි පුරුෂයා බවට පත්වීමට සිටින චරිත් සුදච්චාරී පිලිබඳව කිසිදු සැකයක් නොසිතූ මෙම කාන්තාව අදාල රෙඩියෝ චැනලය ආරම්භ කිරීමට අවශ‍ය ස්ථානයක් බද්දට ගෙන එය ආරම්භ කිරීමට පෙර සිදු කළ යුතු බොහෝ කරුණු සපුරා ගැනීම වෙනුවෙන් විශාල මුදලක් චරිත් සුදච්චාරිට ලබා දී ඇතැයි පොලිස් ප්‍රකාශකයා පවසයි.

ශිරානි සමන්ලතා නමැති මෙම කාන්තාවගෙන් මුදල් ලබා ගැනීමේ දී, චරිත් සුදච්චාරී විසින් ඔහුගේ බැංකු ගිණුම් අංකයට අමතරව වෙනත් පුද්ගලයන් කිහිප දෙනකුගේම ගිණුම අංක ලබා දී තිබේ. බැංකු ගිණුම් වලට මුදල් ලබා ගැනීමට අමතරව රුපියල් 2000 , 3000 වැනි ප්‍රමාණයේ මුදල් විටින් විට මුදලින්ද ලබා ගෙන ඇත.

ප්‍රේම සම්බන්ධය පවත්වා ගනිමින් ද, මුදල් ගරා ගනිමින් ද කාලයක් ගත කරන විට , සුදච්චාරීට වෙනත් සම්බන්ධකම් පවතින බවට මෙම කාන්තාවට තොරතුරු ලැබී තිබේ.

එම තොරතුරු ඔස්සේ මේ පිළිබඳව සොයා බැලූවිට චරිත් සුදච්චාරී නමැත්තා මීට පෙර විවාහ වී සිටි පුද්ගලයෙකු බවත්, එම විවාහක බිරිඳ අත් හැර ඒවන විට වෙනත් කාන්තාවක් සමඟ ජීවත්වන බවත්, ඊටත් අමතරව තවත් කාන්තාවන් කිහිප දෙනකු සමඟ සම්බන්ධකම් පවත්වා ගෙන යනබවටත් ශිරානි නැමැත්තියට තොරතුරු අනාවරණය කර ගැනීමට හැකි වී ඇත.

ශිරානි සමන්ලතා නමැති කාන්තාව, චරිත් සුදච්චාරී නමැති බැලුම්ගල කෙරුමා සමඟ ඇසුරු කළ වෙනත් කාන්තාවන් කිහිප දෙනකුවම මුනගැසී තිබේ. එම කාන්තාවන් විසින් ලබා දී ඇති තොරතුරු වලට අනුව ඔවුන්ව නෙත් එෆ්. එම්. ආයතනයට ගෙන්වා ඔවුන් සමඟ කිහිප විටක්ම ලිංගිකව හැසිරී ඇති බවට තොරතුරු අනාවරනය කර ගෙන ඇත.

වංචනිකයෙකුට හසුවූ කාන්තාවක් , ඒ වෙනුවෙන් පිලිසරණක් පතා ගවේෂණාත්මක මාධ්‍ය කලාවක නිරතවන මාධ්‍ය ආයතනකට ගොස් සිදු වී ඇත්තේ මූල්‍ය වංචාවන්ට පමණක් නොව ලිංගික සූරාකෑමකටද ගොදුරු වීමටය.

මෙකී අසාධාරණයට ලක් වූ කාන්තාව විසින් ඒ පිළිබඳව බම්බලපිටිය පොලීසියට පැමිණිල්ලක් කළ ද ,එකී පැමිණිල්ල සාධාරණ ලෙස විභාග නොකොට එය සමථ මණ්ඩලය වෙත යොමු කිරීමට බම්බලපිටිය පොලීසිය ක්‍රියා කොට ඇත්තේ නෙත් එෆ්. එම්. ආයතනයේ හිමිකරුගේ බලපෑම මතය.

ශිරානි සමන්ලතා බොරලැස්ගමුව පොලිස්ථානයේ පැමිණිල්ල සිදු කර ඇත්තේ ඉන් අනතුරුවය.

සමාජයේ සිදුවන හොර , බොරු, වංචා ආදී සකල විධ ව්‍යසනයන්ට එරෙහිව ජීවිත අවදානම පවා නොතකා අභීත සිංහයන් සේ සටන් කරන බවට වහසි බස් දොඩා, ශ්‍රී ලාංකික ගුවන් විදුලි ශ්‍රාවකයන් මුලාවට පත් කරන , නෙත් එෆ්. එම්. හී චරිත් සුදච්චාරී වැනි වනචරයන් විසින් අහිංසක ස්ත්‍රීන්ට සහ පොදුවේ සමාජයට කරන බරපතල විෂමාචාරයන් පිලිබඳව කෙල බිඳුවක් හෝ නොසැලීමට ජාතික තලයේ මාධ්‍ය ආයතන මෙන්ම මාධ්‍යවේදීහුද ප්‍රවේශම් වී තිබේ.

අසාධාරණයට ලක් වූ යම් කාන්තාවක් නෙත් එෆ්. එම්. බැලුම්ගලින් යම් සහනයක් ලබා ගැනීමට අපේක්ෂාවෙන් සිටී නම්, බැලුම්ගල වනචරයන්ගේ ලිංගික ගොදුරු බවට පත්වීමට ඇති ඉඩකඩ පිලිබඳව යහපත් සිහියෙන් යුතුව කල්පනා කරන ලෙස ඉල්ලා සිටිය යුතු බව බොරලැස්ගමුව පොලීසියේ ප්‍රකාශකයා වැඩි දුරටත් අවධාරණය කර සිටී.

( නෙත් එෆ්. එම්.  “බැලුම්ගල ” හි චාමිකර නමැති සිංහ වෙස් ගත් හිවලා , ශිරානි සමන්ලතා නමැති මෙම ස්ත්‍රියට එරෙහිව බම්බලපිටිය පොලීසියට කරන ලද පැමිණිල්ල විභාග කළ අවස්ථාවේදී පොලිස් නිලධාරියා අභියස සිදුවූ සංවාදය මෙහි පහතින් පළ කරමු.  බැලුම්ගල සිංහයෝ කොතරම් දුරට බලු වී ඇත්දැයි මින් මනා ලෙස තේරුම් ගැනීමට ඔබට පහසු වෙනු ඇතැයි අප සිතමු.)

Leave a Reply

Your email address will not be published. Required fields are marked *